Пејачката Алдина Бајиќ пред две недели беше насилно претепана од нејзиниот сеуште легален сопруг Адис Цигур. За ситуацијата да биде уште полоша, на социјалните мрежи се шири снимката на која се гледа како ја тепа, а нема човек кој останал имун на ваков брутален напад.

Во првата исповед Алдина ги опишува моментите од таа кобна ноќ. Таа раскажа како пред Цигур имала дечковци кои биле „опасни мафијаши“, но никој од нив никогаш не и рекол лош збор, а камоли да ја повреди.

"Имав момци кои беа опасни мафијаши и никогаш, никогаш, ниту еден од нив не ми кажа лош збор, ниту кренаа рака на мене. И тоа е се затоа што сум фер и искренa. Се додека сум со некој, го сакам и ќе го сакам и никогаш не би го изневерувала. Но во моментот кога ќе почнеш да бараш премногу од мене, кога ќе сфатам дека не остана приватен живот, освен деловниот, тогаш се почнува да се тресе. Секој нека ми плука в лице ако најде нешто или некоја грешка во мојот телефон."

А потоа ги опишува ужасните детали:

"Кога ме удри со нога во глава, тоа ми беше крајот. Не можам и не смеам да ја гледам таа снимка. Се срамам, ужасно се срамам од се што се случи. Едноставно се срамам од тоа, не можам да се погледнам во огледало. Се срамам од тоа, а не знам ни зошто?"

„Кога ме шутна во глава, тоа ми беше крајот, се срамам!“: Првата исповед на брутално претепаната пејачка