Саманта, како што беше најавено, ќе се појави во последната епизода од втората сезона, во која таа телефонира со Кери Бредшо, која ја игра Сара Џесика Паркер.
Page Six дозна дека Ким не се согласила само така да се врати во серијата. Според нивните извори, актерката барала да не снима со нејзините поранешни колешки, Сара Џесика Паркер, Кристин Дејвис и Синтија Никсон. Со години е во расправија со нив, особено со Паркер.
Исто така, таа побарала при снимањето на таа сцена, режисерот Мајкл Патрик Кинг, кој инаку е многу близок со Сара Џесика Паркер, да не биде на сетот.
„Ким имаше два услова, да не глуми со ниту една од нејзините поранешни колешки и да не го гледа Мајкл Патрик Кинг“, вели изворот.
Катрал ја играше Саманта, харизматичната публицистка и најдобра пријателка на Кери Бредшо, во „Сексот и градот“, за што доби Златен глобус. Таа им беше омилена на фановите, но одби да се врати во серијата по обвинувањата дека се карала со Паркер. Имено, Ким чувствувала дека таа и останатите актерки не се доволно платени, освен Сара која имала поголема плата од сите главни актерки.
Во првата сезона на And Just Like That... Саманта беше спомната во неколку наврати. Дадоа до знаење дека таа сега живее во Лондон и дека се скарала со Кери откако повеќе не сакала Саманта да биде нејзин публицист. Сепак, Кери во првата сезона неколку пати се слушнала со Саманта, која и праќала цвеќе на Кери откако Фаца починал.
