Кејт Мос се школува да стане мајстор за тетоважи и најавува дека би можела да започне да тетовира луѓе веќе на познатиот фестивал Гластонбери, сподели нејзин пријател со јавноста.

Долгогодишниот пријател и уметник за тетоважи Даниел Касоне откри дека 47-годишниот модел го замолила да ја учи – а веќе и него го истетовирала.

Касоне и Мос се познаваат веќе неколку години откако таа го посети неговиот салон во Хајгејт, Лондон – и Касоне ѝ  ја „освежи“ нејзината позната тетоважа со ластовица, базирана на мотив од британскиот сликар Лукијан Фројд после неговата смрт.

А, Касоне сега ги сподели нејзините големи планови за „Гластонбери“, култен музички фестивал што Мос го посетува.

„Таа рече дека сака да научи да тетовира од мене, за да можеме да одиме во Гластонбери да тетовираме луѓе“, рече тој.

„Таа ме повика да дојдам горе и да ја истетовирам, и на крајот завршивме со тоа што таа ме тетовираше мене, ми истетовира Кејт и срце на раката“, открива тој.

Тој за Сандеј Мирор додаде дека Мос „навистина не знаеше што прави кога и ја даде иглата, но тој ја остави да црта на неа бидејќи тоа е Кејт Мос“.

„Беше прилично болно затоа што таа навистина не знаеше што прави и со иглата влегуваше прилично длабоко, но јас помислив, еј, знаеш што, не ми пречи“, додаде тој.

Уметникот откри и дека пејачката Рита Ора исто така се обидувала да го истетовира.

Се верува дека Мос има вкупно седум свои тетоважи, вклучувајќи сидро и две срца, како и ластовички од ценетиот уметник Фројд кој почина во 2011 година на 88-годишна возраст, но Мос му довери на Касоне да ги освежи кога ќе почнат да бледнеат, а уметникот за тетоважа призна:

„Не сакав да ја чепкам неговата работа, но го сторив тоа за неа, па затоа ги поправив малку и ги освежив “

“Мислам, тоа е оригиналниот Фројд. Се прашувам колку би наплатувал колекционер? Неколку милиони?”, Претходно рече Мос за делото на Фројд.

Инаку, британскиот сликар Лусијан Фројд беше внук на психоаналитичарот Сигмунд Фројд и еден од најистакнатите портретисти на 20 век.