Ким Кардашијан (41) и Пит Дејвидсон (28) од неодамна и официјално се во врска. Последните денови тие се почесто се појавуваат заедно во јавност, а минатиот викенд уживаа во романтична вечера во тренди ресторан во Санта Моника.
Фотографите ја снимија реалити ѕвездата и комичарот како го напушта ресторанот држејќи се за раце. Добро расположени влегле во автомобилот и се оддалечиле без да ја симнат насмевката од лицето.
„Тие се многу среќни и допрва треба да видат во која насока ќе оди нивната врска“, рекол извор за E!News, а Ким и Пит се уште не ја коментирале нивната врска.
Се чини дека единствената личност која ја игнорира оваа нова романса е поранешниот сопруг на Кардашијан, Канје „Је“ Вест (44). Тој во средата рече дека планира повторно да го обедини нивното семејство, пишува E!News.
- Денот на благодарноста е време за обновување на семејството. Утрово се чувствував многу благословен бидејќи станав, вежбав и имам можност да си одам дома и да ги видам сопругата и децата - изјави раперот.
- Така е. Реков „мојата сопруга и моите деца“, и сакам сите да се молите за моето семејство – истакна Канје.
