Пејачката Калиопи, тешко го поднела заминувањето на легендарниот кантавтор Ѓорѓе Балашевиќ.
Веста за неговата смрт ја дочекала во Белград , каде и ќе се прости од него.

– Замина уште една човечка величина, овој пат крунисана со вистинити стихови кои засекогаш ќе сведочат за него, за нас и нашите животи… Веста за вечното заминување на Ѓорѓе Балашевиќ ме погоди и збуни… Како мало дете на кое му го земале детството… Тој беше дел од мојата младост, моето растење, пејач на кого му верував… – рекла Калиопи за Курир и додала:

– Во Белград ме затекна веста… и тука ќе се простам од него. Во Земја која нам ни го подари… на сите нас… Македонија секогаш го сакаше, а и тој ги сакаше своите Македонци… Многу су тажна, но и бескрајно благодарна што живеев во негово време. Се поклонувам на неговата уметничка душа која сега патува во вечноста.

Од кантавторот се простила и по пат на Инстаграм цитирајќи стихови од неговата песна “Напослетку“.