Швајцарскиот сојузен врховен суд го отфрли барањето на колекционерот кој го купил часовникот на аукција.
Јоко Оно на својот сопруг му подарила часовник „Patek Philippe“, вреден четири милиони швајцарски франци, во 1980 година за неговиот 40-ти роденден, само два месеци пред неговото убиство во Њујорк. На часовникот имала изгравирано стих од песна што заедно ја компонирале.
Неколку децении подоцна, часовникот се појави во аукциска куќа во Германија. Таму го купил еден колекционер, но кога се обидел да го процени во Женева, Јоко Оно дознала за тоа.
Колекционерот сакал да го задржи часовникот за кој платил, тврдејќи дека го купил со добра волја. Сепак, швајцарските судови пресудиле против него, вклучително и швајцарскиот сојузен врховен суд, кој е последна инстанца.
Во пресудата се наведува дека возачот кој работел за Јоко Оно го украл часовникот. Судбината на возачот по кражбата не била дел од постапката во Швајцарија.
Извор: Индекс.хр
© Vecer.mk, правата за текстот се на редакцијата
