logo
logo
logo

Иџе: Автомобилите ги сакам откако знам за себе, а и возам откако знам за себе

Vecer | 14.05.2021

Иџе: Автомобилите ги сакам откако знам за себе, а и возам откако знам за себе

Игор Стефановски - Иџе за оние кои не знаат е професионален возач, тркач, автомобилист... кој признава дека „лудува“ само на патеките кои се наменети за тоа, низ скопските улици вози мирно. Сега, понекогаш знаат некои „шофери“ да го извадат од контакт, но се труди да остане смирен.

Кога и како се родила љубовта кон автомобилите не знае, затоа што истата постои од кога знае за себе. Признава дека автомобил научи да вози многу пред да стане полнолетен и да добие возачка, а првите крукчиња ги свртел низ маало, се разбира, без да знаат од дома... Вели, тоа се детски периоди, фази кои ги поминало секое дете. Сопругата ја ќарил уште кога биле деца, бидејќи заедно се одамна, а не на брзо возење, но среќен е што го поддржува во она што го работи.

- Порано знаев да возам малку побесно, но сега се поретко е така. Иако има ситуации кога ќе ме испровоцираат некои ликови што возат низ град, но прилично сум смирен и ги почитувам сите оние собраќајни знаци и  сообраќајната култура која сите треба да ја одржуваме и почитуваме, и се трудам да бидам максимално безбеден, вели Иџе, кој во својата автомобилска биографија има запишано две европски титули, а сонува и за светска.

Ни откри и дека иако се труди да вози пристојно му се случило да „падне“ и по некоја казна за брзо возење, а му се случило и да му прогледаат низ прсти, но, вели, тоа било за ситни прекршоци.

- Автомобилот е превозно средство, но во рацете на оној кој го управува може да биде и огнено оружје затоа практикувајте секогаш безбедно возење, апелира Иџе и открива дека е апсолутен противник на уличните трки и брзото градско возење, вели за тоа се тркачките патеки, не улиците.

Што уште откри Иџе, во видеото во продолжение:

[embed]https://www.youtube.com/watch?v=OxnTNlsaVAI[/embed]

 

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk