Момците од „Балкан бенд“ на јавноста и го претставија стар0-новото музичко парче на кое работеле, како што кажаа, неколку години. Станува збор за нивната верзија на песната „А бре Македонче“, која доби и моќна видео приказна работена со талентираниот Даниел Јовески.
Во улога на домаќин на промоцијата на која „вриеше“ од познати фаци - колеги на момците, и забавњаци и народњаци, роднини, пријатели, новинари... се појави Игор Џамбазов, а најемотивниот момент на вечерта беше кога момците ја отпеаја песната „акапела“, а на кровот од објектот со факли во рацете излегоа членовите на навивачката група Комити.
„Ова е најскапиот музички проект кој се случил во Македонија во изминатите 10 години. Ова што го гледате и слушате вечерва како финален производ, го подготвувавме од 2018-та година и сме пресреќни што конечно можеме да го споделиме со вас. Горди сме што ѝ оставаме еден траен белег на Македонија“, рекоа момците од „Балкан бенд.
Слушнете ја верзијата на Балкан бенд, па проценете сами во напливот на преработки на стари македонски песни и трендот на оживување песни, чија порака е најмоќна, чиј проект е најуспешен.
