„Тој беше единствениот меѓу нас кој беше фин дечко. Жал ми е. Почивај во мир...“ стои во објавата на Бреговиќ на Фејсбук. Претходно од Влада се прости и Ален Исламовиќ.
Потсетуваме, Владо Правдиќ почина синоќа во Сплит. Тој починал во пресрет на својот 74-ти роденден, кој требаше да го прослави на 6 декември, а последните неколку месеци се бореше со тешка болест.
Во 1973 година, Владо се пресели од Индекси во групата Јутро, како што тогаш се нарекуваше идната група Бијело дугме. По турнејата во 1987 година, Владо Правдиќ го напушти Бијело Дугме и се повлече од музиката, но со групата настапуваше уште неколку пати на големи концерти.
© Vecer.mk, правата за текстот се на редакцијата
