Атрактивната Георгина Родригез, свршеницата на еден од најдобрите и најбогати светски фудбалери во историјата, Португалецот Кристијано Роналдо се опишува себеси како скромна девојка која се пробила до врвот благодарение на напорната работа и посветеноста.
Ваквиот став не го делат нејзините сонародници и фанови кои сметаат дека таа е позната и богата само поради финансиската помош од Кристијано Роналдо.
Сакајќи да покаже како е „обична девојка од народот“, Георгина почна да снима документарен филм наречен „Јас сум Георгина“.
Меѓутоа, наместо да ги менува ставовите на луѓето, таа само покажа дека има толку многу пари што не знае што да прави со нив и дека ги троши на скап накит и часовници со кои се мафта.
Една од нејзините последни објави е како стои со Кристијано Роналдо во ходникот од нивната вила во Мадрид. Облечена во тексас шорц и гол топ, со скап накит и уште поскапа чанта, Георгина задоволно се насмевна. Коментарите под оваа објава беа повеќе од огорчени. Луѓето и пишувале: „Можеби си заминал од селото, но селото не те оставило“; „Двојката со многу пари и без стил...“
© Vecer.mk, правата за текстот се на редакцијата
