Рано утрово беше објавена веста дека познатиот холивудски актер Алек Болдвин за време на снимањето ја застрелал директорката на фотографија Халина Хачинс, која работела на бројни филмски продукции.
Таа починала од прострелна рана, која ја добила за време на снимањето на филмот „Рѓа“. Таа имаше 42 години. Хачинсон била застрелан во импровизирана црква на сетот.
Родена во Украина во 1979. година, Халина пораснала во советска воена база во Арктичкиот круг. Таа присуствувала на Националниот универзитет во Киев и дипломирала меѓународно новинарство пред да започне да работи на британски документарни продукции како истражувачки новинар.
Подоцна се преселила во Лос Анџелес и дипломирала на Конзерваториумот на Американскиот филмски институт во 2015. година. Во 2018. година била снимател во лабораторијата „21st Century Fox DP“, а една година подоцна била избрана за една од ѕвездите во подем на списание „American Cinematographer“.
I’m so sad about losing Halyna. And so infuriated that this could happen on a set. She was a brilliant talent who was absolutely committed to art and to film. ❤️ pic.twitter.com/vcdFqHsGA0
— Adam Egypt Mortimer (@adamegypt) October 22, 2021
– Многу сум тажен што ја загубив Халина. И толку бесен што тоа се случи на снимање. Таа беше голем талент кој беше апсолутно посветен на уметноста и филмот – напишал режисерот Адам Мортимер на Твитер.
Во соопштението од продукцијата на филмот „Рѓа“ се наведува дека до несреќата дошло поради неправилна употреба на филмско оружје.
Полицијата во соопштението навела дека е рано да се каже за каков инцидент се работи и дека не го употребиле терминот несреќа, оставајќи им го тоа на истражителите.
Според истражителите, немилиот настан се случил за време на снимањето на сцената која вклучувала употреба на реквизити за огнено оружје, кога се случило пукањето.
Во тек е истрага за видот на испуканите куршуми.
