Двојката, која се венча во 2014 година и ги има близнаците Александар и Ела, е позната по својата хармонична врска, а Клуни сега сподели и еден детаљ што придонесува за тоа.
Крај на бакнежите на екранот
Клуни (64) одлучи по разговорот со својата сопруга Амал (47) дека повеќе нема да бакнува други жени во филмските улоги. Тој ја донел оваа одлука кога наполнил 60 години.
„Се обидувам да одам по патот на Пол Њуман, па затоа повеќе не бакнувам девојки“, изјави Клуни за Дејли Меил. „Кога наполнив 60 години, разговарав со сопругата. ѝ реков: „Види, сè уште можам да играм кошарка со момчиња. Играм со 25-годишници.“
„Сè уште можам да поднесам, во форма сум. Но, за 25 години ќе имам 85. Не е важно колку гранола чоколатца јадеш, тоа е реална бројка“, го разјасни актерот својот став за стареењето.
Мислеше дека нема шанси со Амал поради разликата во годините
Актерот, исто така, се присети на својата прва средба со Амал во 2013 година, признавајќи дека не мисли дека има шанси со неа поради значајната разлика во годините.
„Помислив: „О, Боже!“ Потоа навистина не мислев дека имам многу шанси со неа бидејќи бев 17 години постар, а таа изгледаше дека има сè што ѝ треба“, изјави тој за Њујорк Тајмс.
Во претходно интервју за Холивуд Репортер, тој опиша како Амал веднаш го освоила. „Мислев дека е убава и дека е забавна и очигледно паметна. Веројатно мислеше дека сум стар“, рече тој. Нивната врска се развиваше постепено. „Се допишувавме, си испраќавме е-пошта, разговаравме, главно за тоа што се случуваше во нашите животи, и со текот на времето стана јасно дека сме повеќе од пријатели.“
© Vecer.mk, правата за текстот се на редакцијата
