logo
logo
logo

Џенифер Лопез со нов албум и нов филм

Vecer | 30.11.2023

Џенифер Лопез со нов албум и нов филм

На истиот ден - 16 февруари 2024 година, и истоимениот автобиографски документарно-музички филм ќе почне со прикажувањата, објави пејачката на Инстаграм.

„Кога бев мала, и кога ќе ме прашаа што сакам да бидам кога ќе пораснам, мојот одговор секогаш беше - вљубена“, вели Лопез во последниот кус трелер за филмот.

Режисер на филмот е Дејв Мајерс, а тоа ќе биде „екстравагантна визуелна и звучна гозба со импресивна кореографија, костими и бројни ѕвезди во камео улоги“, според описот.

Меѓу насловите на новите песни, пак, е и „Dear Ben Pt. II“, најверојатно посветена на нејзиниот сопруг, глумецот Бен Афлек, со кого ја обнови врската по 20 години разделба и повторно се венчаа во јули лани.

Латино-пејачката и глумица досега глумела во 10-ци филмови, а има издадено осум студиски албуми, три компилациски албуми, една ремикс-компилација, еден со филмска музика, 65 сингл-песни, пет компзиции за хуманитарни цели и 12 песни за промотивни цели. Сѐ на сѐ, познатата Џеј Ло има продадено повеќе од 80 милиони плочи.  

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MEDIANET LTD Skopje Copyright © 2004-2024. Vecer.mk