Двојката присуствуваше на премиерата на документарниот филм Kiss The Future. Ова беше нивно прво појавување на црвениот тепих по раѓањето на нивната ќерка Гиа пред два месеци.
Чен пристигна во црн фустан во комбинација со беж чевли, беж кардиган и розова чанта, додека актерот носеше сива маица, црна јакна и панталони. Двојката се држеше за раце на црвениот тепих.
За потсетување, на крајот на мај Де Ниро откри дека има седмо дете. "Бременоста беше планирана. Како не можете да планирате нешто такво?" изјави актерот на премиерата на филмот За мојот татко. Покрај ќерката Гиа, Роберт ги има и ќерката Дрина (51), синот Рафаел (46), близнаците Арон и Џулијан (27), синот Елиот (25) и ќерката Хелен (11).
