Имено, на социјалните мрежи почнаа да се шират фотографии од Свини направени во ресторанот Joe Leo Fine Tex Mex. Во истиот ресторан е снимен и Глен Пауел, со кого Сидни глумеше во филмот од 2023 година, „Секој освен тебе“. Фотографиите наводно се направени на пробна вечера за венчавката на сестрата на Глен, Лесли, која исто така работела на филмот, пренесе Индекс.
Извор: „Тие се само пријатели“
Сепак, добро информиран извор демантираше дека актерите се заедно. "Нема ништо романтично помеѓу Глен и Сидни. Тие се само пријатели. Сидни е блиска со целото семејство", изјавил извор за Us Weekly.
Да потсетиме, Сидни Свини (27) и нејзиниот вереник Џонатан Давино (41) ја откажаа својата венчавка затоа што се соочуваат со „големи проблеми во врската“, изјави извор за Us Weekly. „Сидни и Џонатан имаат големи проблеми, но сè уште не се целосно раскинати“, рече упатен во средата. „Нештата не се баш најдобро во моментов, но сѐ уште не се откажуваат. Работат на својата врска, но засега ја откажаа венчавката“, додал тој.
Напнатост околу нејзината кариера?
Изворот додал дека сите планови за свадба престанале и дека „повеќе не разговараат за тоа“. Свини и Давино, кои почнаа да се забавуваат во 2018 година, требаше да се венчаат оваа пролет. „Сидни сакаше да откаже сè и не можеше да се справи со стресот“, сподели изворот. Нејзината кариера и постојана зафатеност наводно предизвикале тензии во нивната врска.
© Vecer.mk, правата за текстот се на редакцијата
