„Нешто ново од мене,
сработено со многу љубов и посебна енергија. Слушнете ја песната, гледајте го
спотот,&nbsp;почувствувајте&nbsp;ја приказната и
дозволете да ве освои. Вашите мислења и коментари ми се најбитни и ме
инспирираат за песните&nbsp;што следуваат. Погледнете, слушајте,&nbsp;споделете и коментирајте како ви се допаѓа!
Уживајте и ширете љувов!“, е пораката што&nbsp;Огнен
Здравковски&nbsp;ја напиша под новото парче музика кое реши да ѝ го
претстави на јавноста, а кое значи почеток на едно ново поглавје во неговата
музичка кариера.

Насловот на новата композиција е&nbsp;„Пекол
и рај“ и всушност станува збор за песна со љубовна тематика потпишана од
негови колеги, а кога врвни музичари стојат зад ваков проект тогаш не може да
имате лош финален производ. Напротив, композцијата зад која како автори се
потпишуваат&nbsp;Александар
Тарабунов –&nbsp;музика,&nbsp;Зоран Зонде Стојановски –&nbsp;текст и&nbsp;Димитар
Андоновски,&nbsp;кој освен што се потпишува зад аранжманот е задолжен и
за миксот и мастерингот, не може да биде ништо друго освен музичко совршенство.

За приказната да биде комплетна придонесува и видеото снимено со
продукцијата&nbsp;Sneak
Media. Кадрите се снимени во Белград под режисерската палка на Никола Суњевиќ,
а во нив освен Оги се појавува и Јања Станојевиќ.

„„Пекол и рај“ е песна која стилски е
многу поразлична од сето она што го имам снимено досега. Со Тара, Диме и Зонде
се дружиме приватно, се разбираме, се познаваме и тие ми направија песна каква
што одамна посакував. Ги слушнаа моите желби и &nbsp;добив парче какво што одамна посакував, парче
во кое верувам и парче кое значи еден нов многу поразличен и позрел Огнен“,
вели Оги и открива дека периодот што следува за него ќе значи многу работа
затоа што веќе некое време интензивно работи на нов материјал.

Планот,
како што појаснува, е на јавноста песните да ѝ ги претставува една по една, па
годината што е пред нас да ја заокружи со еден убав проект.

Слушнете ја „Пекол и рај“, а ако ви се допаѓа лајкнете, споделете и
оставете коментар, оти, како што вели Оги,&nbsp;вашите мислења и коментари&nbsp;му&nbsp;се најважни&nbsp;и&nbsp;го&nbsp;инспирираат за песните&nbsp;што ќе следуваат, а ќе ги има доста.

Вака звучи „ПЕКОЛ И РАЈ“ на Огнен Здравковски: Ваква песна, вели, одамна посакувал