Нова книга базирана на животот на Фреди Меркјури ќе го потресе светот на шоу-бизнисот, бидејќи се открива дека тој наводно имал тајно дете. Фронтменот на „Queen“ имаше ќерка која беше целосно отстранета од јавноста сите овие години.
Нејзиното постоење било познато само на неговиот најблизок круг, вклучувајќи ги неговите родители и сестра. Членовите на бендот исто така знаеле, како и љубовта на неговиот живот, Мери Остин.
Книгата ја опишува аферата
Книгата „Со љубов, Фреди“ детално опишува како детето било случајно зачнато за време на афера со сопругата на близок пријател на Фреди во 1976 година. Неговата ќерка, која сега има 48 години, живее во Европа каде што работи како медицински професионалец. Таа е исто така мајка, што го прави Фреди постхумно дедо. Жената решила да ја раскаже својата шокантна приказна на познатата рок-биографка Лесли-Ан Џонс.
Таа опиша како пораснала во семејство со многу љубов, но отсекогаш знаела дека познатиот музичар е нејзин татко. Пред да почине од пневмонија поврзана со СИДА во 1991 година, Фреди ѝ оставил на ќерка си 17 тома од своите лични дневници.
Неговата ќерка ги чувала во тајност со години, но сега ѝ ги предала на Џонс, и тие ја формираат основата на книга што ќе биде објавена подоцна оваа година.
Книгата раскажува приказна за дете кое е случајно зачнато за време на афера. Оваа вест веројатно ќе биде голем шок за фановите на Фреди, бидејќи никој никогаш не ни посочил постоење на тајно дете од љубов.
Парот (Фреди и жената од аферата) живеел заедно и биле верени пред Фреди да се изјасни како геј. Фреди и Мери никогаш немале деца, но Мери подоцна родила два сина со друг партнер, додека останала блиска со пејачот до крајот на неговиот живот.
Писмото, напишано рачно од „Б“, како што е наречена ќерката на Фреди во книгата, гласи:
„Фреди Меркјури беше и останува мој татко. Имавме многу блиска и љубовна врска од моето раѓање до последните 15 години од неговиот живот. Тој ме обожаваше и ми беше целосно посветен. Начинот на кој дојдов на светот може да изгледа необично, дури и шокантно за повеќето луѓе, но тоа никогаш не ја намали неговата љубов кон мене. Тој беше нежен, грижлив и ме чуваше како свое најголемо богатство“, објавува „Блиц Жена“.
Авторката Лесли-Ан Џонс признала дека на почетокот се сомневала во вистинитоста на приказната, но набрзо сфатила дека е чесна жена која никогаш не барала пари или јавно признание. Таа не беше вклучена во тестаментот на Фреди, но, според Џонс, била издржувана преку приватен правен договор за чување на тајната.
Абортусот не бил опција
„Неговото единствено дете било зачнато случајно, додека сопругот на жената со која бил во врска бил на службено патување. За мајката, длабоко религиозен католик, абортусот не бил опција“, открива авторот.
Фреди наводно бил посветен татко и многу вклучен во воспитувањето на својата ќерка. Девојката живеела со нејзината мајка и очув, додека Фреди имал своја соба во нивната куќа и бил во редовен контакт со неа, дури и додека бил на турнеја.
„Ова е само моја одлука“
Во писмо вклучено во книгата, „Б“ објаснува зошто конечно одлучила да ја раскаже својата приказна:
„По повеќе од три децении лаги, нагаѓања и извртување на вистината, време е конечно да проговорам. Оние што знаеја за мене ја криеја неговата најголема тајна од лојалност. Тоа што решив да се откријам сега – во средината на мојот живот – е моја одлука и ничија друга.“
Фреди Меркјури имал врски и со мажи и со жени во текот на целиот свој живот. Неговата најпозната љубовна приказна беше токму со Марија Остин, со која живееше и беше свршен пред да признае дека е геј. Тие никогаш немале деца, но останале блиски до крајот на неговиот живот.
© Vecer.mk, правата за текстот се на редакцијата
