Боно и колега од бендот The Edge се појавиле во подкастот на Awards Chatter и откриле дека на почетокот настапувале под името The Hype, но не биле задоволни од тоа име и се обратиле за помош кај нивниот поранешен соученик, музичарот Стив Аверил.
„Тој дојде кај нас со неколку предлози, од кои еден беше U2“, се сеќаваат тие. „Тоа не беше името што го баравме, но беше најдоброто од понуденото“.
„Сè уште не ми се допаѓа името“, рече Боно. „Навистина не ми се допаѓа. Мислевме дека комбинацијата од букви и бројки звучи како некој шпионски авион или подморница. Звучеше футуристички. Но, набрзо се покажа дека всушност е поврзана со некаква согласност и не, не ми се допаѓа тоа име. Сè уште не ми се допаѓа името. Не ми се допаѓа“, објаснил тој.
На музичарот исто така му било тешко да слуша некои од раните песни на неговиот бенд поради неговиот сопствен глас.
„Бендот звучи неверојатно, но секогаш мислев дека мојот глас е многу напнат и некако не е мачо“, рече тој.
„Возев во автомобилот кога пуштија една од нашите работи на радио и помодрев од болка. Бев многу засрамен“, додал тој.
