Три музички дела на еден од најголеми балкански текстописци, неодамна починатиот Ѓорѓе Балашевиќ, ќе се најдат во учебник за основно училиште.
Честа да некои нови клинци ги учат и анализираат делата на панонскиот морнар ја добија песните „Дрвена песма“ наменети за осмо одделение, додека за пониските одделенија се наменети за „Д-мол“ и „Девојка са чардаш ногама“.
Проф. Ивана Лучиќ од новосадското основно училиште „Коста Трифковиќ“ вели дека изборот е интересен.
- Важно е затоа што е разновидно и токму тоа е она што е одлика на нашиот драг Ѓоле Балашевиќ. Значи, имаме „Девојка са чардаш ногама“ весела, оптимистична песна. Потоа „Д-мол“, тажна љубовна песна и за осмаците „Дрвена песма“ во која се зборува за сонот на едно момче - вели таа.
Професорката исто така смета дека изборот на песни е адекватен.
- Не е многу лесно да ги разбереме и не се едноставни, затоа е убава задачата наставниците да ја анализираат песната заедно со учениците, да најдат стилски фигури, скриено значење и тие пренесени значења - заклучи таа.