Во придружната порака, тој откри дека неговата долгогодишна желба повторно се остварила, алудирајќи дека се подложил на естетска операција.
Азис изјави дека станува збор за поставување машки силиконски импланти во градите, пофалувајќи ги лекарите и медицинскиот персонал, нагласувајќи дека за време на престојот во клиниката се чувствувал „како дома“.
- Уште еднаш, @dr.nikolay.georgiev ми го остварува сонот! Тој постави MALE, нагласувам MALE, силиконски импланти во градите. Вкупно 600 кубни метри – 300 од секоја страна. Ќе имам убаво дефинирани, спортски гради. На почетокот ќе бидат малку непропорционални, поголеми, но со текот на времето ќе се намалат и ќе „седнат“ убаво.
„Престојот во неговата клиника беше како да сум дома. Целиот тим е уникатен – прекрасни луѓе! Ве сакам, Ники Георгиев! Вие сте најголемиот професионалец во светот!“
Иако не ги даде сите медицински детали за операцијата, објавата привлече големо внимание од јавноста и бројни обожаватели низ целиот регион.
Азис е еден од најпознатите и најконтроверзни музичари на Балканот. Тој се здоби со слава на почетокот на 2000-тите како ѕвезда на бугарскиот поп-фолк (чалга) жанр, но наскоро стана препознатлив по својот провокативен имиџ, отвореното изразување на идентитетот и кршењето на општествените табуа.
© Vecer.mk, правата за текстот се на редакцијата
