Судот во Лос Анџелес го отфрли барањето на правниот тим на Пит Џоли да ја предаде приватната преписка и интерните документи поврзани со продажбата на нејзиниот удел во винаријата, пресудувајќи дека комуникациите се заштитени со доверливост на односите адвокат-клиент.
Според судските документи, Пит побарал пристап до 22 приватни документи и е-пошта што ги сметал за клучни докази во процесот на продажба на Шато Миравал.
Сепак, судијата заклучил дека Пит „не ги исполнил условите“ за укинување на правната заштита на тие документи, објавува „EasternEye“. Иако барањето било одбиено „без предрасуди“, што значи дека актерот може повторно да го покрене истото прашање доколку се појават нови докази, правниот тим на Анџелина Џоли ја опишал одлуката како голема победа.
Адвокатот на актерката, Пол Марфи, рекол дека Пит „целосно ја преминал границата“ обидувајќи се да добие пристап до доверливи документи. Тој додал дека Пит првично побарал дури 126 документи, но подоцна го намалил барањето на 22 по правните оспорувања.
Разводот е завршен, споровите продолжуваат Иако Бред Пит и Анџелина Џоли официјално го финализираа разводот кон крајот на 2024 година по осум години правни битки, споровите околу заедничкиот имот сè уште не се завршени.
Покрај конфликтот околу Миравал, поранешните сопружници со години се вклучени во судски постапки за старателството над децата, како и за обвинувањата што Џоли ги упати против Пит поврзани со наводно насилство за време на инцидент во приватен авион во 2016 година.
© Vecer.mk, правата за текстот се на редакцијата
