Анџелина Џоли е возбудена што ќе зачекори во светот на модата иако тоа не е простор во кој првично се видела. По тој повод таа ќе се појави на дигиталната насловна страница на „Вог“.
- Не сакам да бидам голем моден дизајнер. Сакам да изградам простор и другите луѓе да станат нив - на актерката и е јасна позадината на нејзиниот нов проект.
Низ годините запознав многу способни, талентирани луѓе и би сакала да ги видам како растат - продолжи таа.
Сепак, актерката изјави дека не би можела да го постигне сето тоа без помошта на нејзините деца, од кои некои одиграле големи улоги во создавањето на Ателје Џоли. Таа рече дека Пакс (19) помогнал во дизајнирањето на логото, кое било исцртано со спреј на горниот дел од вратата.
Во меѓувреме, нејзината најстара ќерка Захара (18) исто така беше силно поврзана со Ателје Џоли покрај студирањето на колеџот Спелман во Атланта. Таа рече дека Захара дури и помогнала да ја избере најдобрата локација за канцеларискиот простор.
- Деновиве се чувствувам малку депресивно. Не се чувствувам како себеси цела деценија, на начин на кој не сакам да навлегувам. Сè уште сум во процес на откривање кој сум на 48 години. Претпоставувам дека сум во транзиција како личност.
Таа во интервјуто најмногу се осврна на мајчинството.
– Имав 26 години кога станав мајка – започна оскаровката, која со поранешниот сопруг Бред Пит (59) има три ќерки и три сина. Анџелина го посвои своето најстаро дете, 22-годишниот Медокс, самата во 2002 година.
- Целиот мој живот се промени. Имањето деца ме спаси и ме научи да бидам поинаква на овој свет.
Анџелина за „Вог“ изјавила дека улогата на мајка и помогнала да ги преброди тешките моменти во животот. Ѕвездата можеби алудира на правна битка со Бред околу нивното француско лозје и старателството над нивните деца.
© Vecer.mk, правата за текстот се на редакцијата
