Победникот на овогодишното издание на Евровизија, Дамијано Давид (22), повторно заблеска на интернет, овој пат со својата последната објава.. Имено, тој објави фотографии кои предизвикаа реакции ширум светот.
Италијанецот позирал во кожни панталони и мрежеста блуза, со залижана коса и нашминкани очи и усни.
„Заљубен сум во мојот кармин за усни“, напишал Дамијано во описот на фотографиите кои ги споделил на Инстаграм.
Објавата брзо собрала милион и пол допаѓања, а ниту неговата девојка не останала рамнодушна на фотографиите.
View this post on Instagram
„И јас сум“, одговорила Џорџи на зборовите на Дамијано. Нејзиниот коментар го лајкувале повеќе од 8.000 корисници.
Дамијано за кратко време ги освои девојките ширум светот и стана препознатлив по својот стил, па обожавателките и овојпат не го криеле воодушевувањето од неговиот изглед.
„Заљубена сум во тебе“, „Ожени ме“, „Биди мој“, се само некои од коментарите кои обожавателките ги оставиле под фотографиите.
Музичарот на Инстаграм моментално го следат повеќе од 3,8 милиони, меѓутоа, тој секојдневно има сè поголем број на фанови кои покрај музиката, го обожуваат и неговиот стил на облекување, но и шминкање.