Кејт Мидлтон уште еднаш покажа зошто важи за модна икона, а нејзиниот стајлинг од државниот банкет не престанува да се коментира.
Во Виндзор беше одржан свечен државен банкет во чест на претседателот на Нигерија и неговата сопруга, кои пристигнаа во официјална посета на Велика Британија, каде им беше приреден достоинствен пречек. По церемонијата беше организиран и прием, а на двата настани особено се истакна Кејт Мидлтон, која имаше забележлива и важна улога.
Кејт Мидлтон за оваа прилика избра креација од британско-нигериската дизајнерка Толу Кокер, оддавајќи им на тој начин почит на гостите. На самиот банкет блесна во елегантен фустан од брендот Ендру ГН, чија зелена боја симболично упатуваше на боите на нигериското знаме.
Раскошниот модел е од колекцијата есен/зима 2021, па принцезата од Велс уште еднаш докажа дека не ги следи по секоја цена најновите трендови, но дека одлично знае да ги избере оние што се секогаш модерни.
Ниту овојпат Кејт Мидлтон не пропушти да носи накит од кралската ризница, а често избира парчиња кои некогаш ѝ припаѓале на кралицата Елизабета. Синоќа за банкетот избра обетки со реси од сафири и дијаманти, додека претходно во текот на денот, на свечениот пречек, носеше обетки од колекцијата на принцезата Дијана.
Особено впечатливо беше нејзиното појавување со тијара – првпат оваа година во јавноста, и тоа со омилената тиара „Љубовник јазол“ на кралицата Мери,, која принцезата Дијана ја обожаваше. Оваа прекрасна тијара, која и Кејт ја сака, се проценува на дури 135 милиони долари.
Некои ги изненади и со изборот на обувки. За свечениот пречек во Виндзор, Кејт носеше потпетици од „Хуго Бос“, додека на банкетот пристигна во зелени чевли „Маноло Бланик Хангиси, чија цена изнесува околу 1.300 евра.
Кејт Мидлтон ги воодушеви присутните со чевлите, кои според модните критичари речиси ѝ парираа и на престижната тијара што ја носеше.
© Vecer.mk, правата за текстот се на редакцијата
