ДЕЈВИД Бекам со синовите Ромео и Круз го прослави Божиќ во весело расположение, носејќи пригодни празнични капчиња, но идилата ја наруши отсуството на најстариот син Бруклин, кој наводно со суптилна порака на социјалните мрежи дополнително го продлабочил јазот со семејството.
И покрај сè, 50-годишниот Дејвид и 51-годишната Викторија се трудат да ја одржат празничната атмосфера за своите останати деца: 23-годишниот Ромео, 20-годишниот Круз и 14-годишната Харпер.
Семејството Бекам заедно ја поминало Бадниковата вечер, а откако Дејвид претходно бил виден како сече божиќна елка, Круз ја презел улогата на бармен и служел коктели. На објавените фотографии Дејвид зрачи од гордост додека синовите го прегрнуваат, а Ромео му ја држи раката на рамото.
На славењето му се придружила и девојката на Ромео, Џеки Апостел, додека Викторија споделила снимка од ќерката Харпер како ги запишува своите божиќни желби.
© Vecer.mk, правата за текстот се на редакцијата
