Ова се есклузивните фотографии на Вечер.мк од пукачот кој го рани Раде Трајковски и уште едно лице попладнево во Ист гејт Мол, кој на големо се споделуваат на социјалните мрежи
МВР трага по напаѓачот, кој не се поклопува во со ниеден податок од базата на МВР, што значи дека е дојден од надвор, дознава Вечер.мк од извори во истрагата.
Како што можете да видите од сликите, тој ги следи двете лица и кога застануваат на елеваторот, пука во нив од горе, по што бега.
Се работи за леворак пукач, што е реткост и во светот, каде 99,5% од покачите се деснораки.
Инаку по денешното пукање во „Ист гејт мол“, едно лице е во критична состојба, а друго е пренесено на Клиниката за торакална хирургија. Информацијата за МИА ја потврди директорот на Клиниката за хируршки болести „Свети Наум Охридски“ во Скопје, Љубен Арсенков.
– Двајца пациенти се примени во болницата, станува збор за две машки лица. Едниот пациент е задржан кај нас, веднаш е однесен во операциона сала поради сериозноста на повредите. Во моментов се изведува оперативен зафат кај овој пациент. Во тешка состојба е и врз него се врши оперативен зафат поради повреди во стомакот и во градната шуплина. Другиот е препратен на Клиниката за торакална хирургија. И кај едниот и кај другиот пациент се работи за прострелни рани, појасни Арсенков.
Министерството за внатрешни работи потврди дека имало пукање во овој скопски трговски центар, екипи на МВР се на терен и работат на расчистување на случајот.
© Vecer.mk, правата за текстот се на редакцијата
