Претседателот на Украина, Володимир Зеленски, по вчерашните разговори со американскиот претседател Џозеф Бајден рече дека неговиот американски колега го уверил оти Вашингтон нема да ја напушти Украина пред „руската агресија“.

„Разговаравме за ситуацијата во Донбас, во источна Украина. Претседателот Бајден ме увери дека Украина никогаш нема да остане на цедило пред руската агресија“, рече Зеленски за време на обраќањето на украинската телевизија.

Бајден и Зеленски разговарале по телефон околу 50 минути, а Зеленски исто така потенцирал дека САД се клучен партнер на Украина, објави „Ројтерс“.

„Ние стоиме рамо до рамо со Соединетите држави кога станува збор за зачувување на демократијата. Американското партнерство е клучно за Украинците“, објави украинскиот претседател на „Твитер“.

makfax.com.mk