Шпанската полиција соопшти дека запленила 4,5 тони кокаин чија проценета вредност е 105 милиони евра.
Запленувањето се случило на брод под знамето на Того, кој превезувал добиток во близина на Канарските острови и биле уапсени 28 членови на екипажот.
Полицијата соопшти дека бродот застанал на пристаништата во десетина земји пред рацијата во вторникот и дека шверцерите на дрога почнале да ги користат бродовите за транспорт на добиток, бидејќи на полицијата и било потешко да пронаоѓа нелегален товар, објави Ројтерс.
Полицијата соопшти дека пловењето на бродот „Орион В“ од Колумбија го следеле шпанските власти, американската Агенција за борба против дрога (ДЕА) и тогоанската полиција, а дрогата е запленета во Лас Палмас, Гран Канарија.
