Особено загрижувачки е фактот што меѓу уапсените имало осум малолетници, што укажува на пораст на радикализацијата на младите луѓе, се вели во соопштението, објави Ла Разон.
Од вкупниот број џихадисти, 84 лица се уапсени во Шпанија и 11 во странство, во повеќе од педесет операции спроведени од шпанските безбедносни сили оваа година.
Со ова, вкупниот број на апсења од терористичките напади на 11 март 2004 година на железничката станица во Мадрид (11-М) се искачи на 1.357.
Операциите се спроведени во 12 од 17 автономни заедници, вклучувајќи градови како Фуенсалида (Толедо), Кревилент (Аликанте), Мелиља, Леганес (Мадрид), Падренда (Уренсе) и Санта Колома де Граманет (Барселона). Покрај националните операции, шпанската полиција, во соработка со меѓународни партнери, учествуваше и во операции во Еквадор, Португалија, Обединетото Кралство, Франција и Белгија.
© Vecer.mk, правата за текстот се на редакцијата
