Писмата со бомбите биле испратени во периодот од 24 ноември до 2 декември до канцеларијата на шпанскиот премиер Педро Санчез, до украинската и американската амбасада во Мадрид, до владините канцеларии и до компанија поврзана со Европската унија.

Мажот е уапсен во северниот шпански град Миранда де Ебро, изјави извор за агенцијата Франс прес без да даде дополнителни детали. Осомничениот е уапсен откако Њујорк тајмс објави дека истрагата во последните недели била фокусирана на Руското Царско движење, радикална група поврзана со екстремно десничарски шпански организации, во врска со писмата- бомби.

Се верува дека групата е поврзана со руските разузнавачки агенции.