Јужноафриканскиот претседател Сирил Рамафоса изјави дека властите размислуваат за задолжителна вакцинација против Ковид-19 за граѓаните на одредени работни места, поради зголемувањето на бројот на заболени, кои засега се поврзуваат со појава на новиот сој Омикрон.
Тој, исто така, рече дека властите не размислуваат за економско заклучување и ги критикуваше богатите западноевропски земји за воведување забрани за летови од ЈАР поради појавата на новиот сој.
– Доколку бројот на пациенти продолжи да расте, четвртиот бран може да го очекуваме во следните неколку недели, ако не и порано. Анализираме да ги направиме вакцините задолжителни за работниците, луѓето кои сакаат да одат на јавни настани, јавен превоз и некои други места, истакна Рамафоса.
Јужноафриканските власти се лути затоа што Британците забранија летови од Јужна Африка, што го направија и неколку други земји.
Ова е јасно отстапување од ветувањата дадени од многу земји на неодамнешниот состанок на Г-20 во Рим. Забраната за патување не е под покровителство на науката, ниту ќе биде ефикасна за спречување на нов вид. Тоа само ќе предизвика економска штета на погодените земји и ќе им отежне да одговорат на пандемијата, нагласи Рамафоса.
