Пожарот избувнал во раните утрински часови во средата во противпожарната станица во Стадталендорф. Изгорела сала со опрема и десетина противпожарни возила, јави германската новинска агенција Dpa. Според првите проценки, штетата е меѓу 20 и 24 милиони евра.
Никој не е повреден. Локалните власти соопштија дека не бил инсталиран аларм за пожар во станицата бидејќи експертите сметале дека тоа не е потребно. Пожарот избувнал од итното возило на противпожарната служба, во кое имало литиум-јонски батерии.
„Верувам дека она што се случи ќе ги натера многу луѓе да размислуваат и да дејствуваат“, изјави за ДПА, Норберт Фишер, шеф на Државната противпожарна асоцијација на Хесен.
Nur in #Deutschland möglich: Feuerwache abgebrannt, weil Brandmeldeanlage fehlte! Im mittelhessischen #Stadtallendorf hat ein #Feuer den örtlichen Einsatzstützpunkt der #Feuerwehr mitsamt Ausrüstung und Löschfahrzeugen vollständig verwüstet. Der Sachschaden liegt laut… pic.twitter.com/6YtJ2ohJBN
— anonymousnews.org (@anoynews) October 18, 2024
Тој објаснил дека во противпожарните станици се полнеле батерии, па затоа смета дека треба да бидат опремени со системи за противпожарна тревога. Сепак, тој не е сигурен дали таков систем би можел да го спречи овој пожар во Стадталендорф. „Овој пожар се ширеше со неверојатна брзина“, истакна тој.
© Vecer.mk, правата за текстот се на редакцијата
