logo
logo
logo

Во Британија има нов „супер-сој“ на коронавирус, тврди научник од Оксфорд

Vecer | 11.02.2021

Во Британија има нов „супер-сој“ на коронавирус, тврди научник од Оксфорд

Хрватскиот научник Кристијан Рамадан, кој е професор по молекуларна медицина на Универзитетот во Оксфорд, вели дека се појавила и нова мутација на британскиот вид на коронавирус, која ја нарекува супер-сој.

Британската варијанта на вирусот беше откриена во декември 2020 година и последниов месец стана доминантен вид, бидејќи повеќе од 50 проценти од луѓето се заразени со неа, пишува „Јутарњи“.

„Исто така, откриено е дека овој британски вид има мутација што потекнува од јужноафриканската варијанта. Сега имаме нов супер-сој на британската варијанта со јужноафриканска мутација, кој би можел да избегне имунолошки одговор“, вели Рамадан.

Тој додава дека Велика Британија го вакцинира населението со голема динамика и дека досега се вакцинирани 13 милиони луѓе. Околу 15 милиони луѓе се очекува да бидат вакцинирани до средината на февруари.

Во однос на вакцината од „Астра зенека“, Рамадан вели дека таа е подеднакво ефикасна како и другите вакцини и дека последните податоци покажуваат оти истата штити и создава еднаков имунитет кај сите возрасни групи, пренесува ХРТ.

„Најновите клинички испитувања покажуваат дека ‘Астра зенека’ развива имунитет по околу 20 дена во 76 проценти од случаите по првата доза, а по втората доза штити и до 85 проценти од случаите“.

Запрашан дали појавата на новиот вид најавува трет бран на епидемијата, Рамадан вели дека тоа ќе зависи од ограничувачките мерки кои ќе ги воведат земјите.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk