Резултатот значи дека нејзината Либерално-демократска партија (ЛДП) ќе го врати мнозинството во Долниот дом на Националниот парламент со 465 места, објавија јапонските медиуми врз основа на излезните анкети.
ЛДП, која владее речиси непрекинато од 1955 година, претходно го загуби мнозинството и во Долниот и во Горниот дом поради скандали што го нарушија нејзиниот углед, потсетува германската агенција.
Со поддршката од десничарската партија Ишин, до неодамна ЛДП владееше само со тесно мнозинство.
Радиото НХК објави дека ЛДП и нејзините сојузници би можеле да го надминат клучното двотретинско мнозинство во Долниот дом.
Такаичи на крајот на октомври беше избрана како првата жена на чело на една јапонска влада и таа во анкетите уживаше многу висок рејтинг, па затоа и ја изненади опозицијата со распишување предвремени избори, потсетува ДПА.
© Vecer.mk, правата за текстот се на редакцијата
