Виткоф во интервју за „Волстрит журнал“ вели дека територијалните прашање можат делумно да се решат.
Според него, Русија би можела да задржи „некои нови региони, но не сите“, како дел од договорот за ставање крај на војата во Украина. Виткоф рече дека Киев можеби не е толку заинтересиран за регионите каде што населението првенствено зборува руски јазик.
Виткоф се сретна со Путин на 11 април во Санкт Петербург, а разговорите траеја околу четири и пол часа.
Тој претходно изјави дека како дел од преговорите за постигнување мир во Украина се зборувало и за забрана за члентво на Украина во НАТО.
Украинскиот претседател Володимир Зеленски го обвини Виткоф за злоупотреба на неговата позиција поради разговорите за признавање на нови руски региони на територијата на Украина и за целосно прифаќање на „рускиот наратив“. /МИА
© Vecer.mk, правата за текстот се на редакцијата
