Хаотични сцени беа забележани во Ерусалим кога се случи судир меѓу полицијата и демонстрантите за време на протестот против ограничувачките мерки против коронавирусот.
Стотици мажи од заедницата Хареди се собраа во вторникот вечерта во знак на протест против мерките на јавното здравје, особено поради затворањето на училиштата познати како јешива.
Почетокот на собирот помина мирно, а демонстрантите ги слушаа говорите на водачите на заедницата. Сепак, по завршувањето на митингот, демонстрантите отидоа на блиската улица и започнаа расправии со полицијата, палејќи контејнери и блокирајќи го сообраќајот, пренесува РТ.
[embed]https://www.youtube.com/watch?v=flrXtUmaVIw[/embed]
Според извештаите на локалните медиуми, демонстрантите фрлале камења и други предмети кон полицајците. Полицијата употребила водени топови за да ги растера демонстрантите, а најмалку едно лице било приведено поради немирите.
Ваквите сцени се повторуваат на улиците на Ерусалим веќе некое време.
makfax.com.mk
