Инцидентот предизвика евакуација на илјадници луѓе од областа.
-Кратерот е со димензии 30 на 30 метри и длабок околу 50 метри, објави „Бангкок пост“, повикувајќи се на локалните власти.
Фотографиите и видеата покажуваат како помал дел од улицата прво се урива. Пешаците почнуваат да трчаат, а автомобилите почнуваат да се движат наназад додека сè повеќе делови од патот се уриваат во огромната дупка.
Massive sinkhole outside Wachiraphayaban Hospital in Bangkok. 30 meters wide and 50 meters deep, swallowing cars and power poles. Thankfully no injuries reported. Authorities investigating the cause. #Bangkok #Thailand #Sinkhole pic.twitter.com/l1AmAUwjgc
— Save Western Civilisation (@SaveWestern) September 24, 2025
Инцидентот се случил веднаш над новоизградената станица на метрото. Два електрични столба и полициски камион паднале во дупката, објавија локалните власти. Нема извештаи за повредени. Властите евакуирале илјадници пациенти од блиската болница и жители на блиските станбени згради.
Работата во болницата Ваџира во Бангкок беше делумно прекината, а амбулантските услуги беа суспендирани, иако пациентите примени во болницата продолжија да добиваат нега. Инспекцијата не покажа структурни оштетувања на зградата, соопштија властите.
Весникот „Нејшн“ објави големи сообраќајни метежи во областа. Екипите работат на стабилизирање на теренот околу огромната дупка поради страв дека дождовите би можеле да предизвикаат повеќе уривања на улицата.
Причината за уривањето сè уште се истражува.
© Vecer.mk, правата за текстот се на редакцијата
