Нови судири меѓу Палестинците и израелските власти се случија во комплексот на џамијата Ал-Акса во Ерусалим еден ден откако Израел потврди дека Кабинетот за безбедност едногласно гласал за одобрување на примирјето меѓу Тел Авив и Хамас, пренесува „Спутник“.

Портпаролот на израелската полиција изјави дека Палестинците фрлале камења кон полицајците, па властите морале да започнат со мерки за сузбивање немири, користејќи шок-бомби и солзавец за да ги растераат толпите Палестинци вклучени во судирите.

Палестинската Црвена полумесечина пријави 15 повредени лица во судирите меѓу Палестинците и полицијата.


makfax.com.mk