Најмалку три лица загинаа во пожар што го подметнаа демонстранти во зградата на градскиот совет во индонезискиот град Макасар, откако низ земјата избувнаа демонстрации поради смртта на таксист на мотор кој за време на претходните протести беше прегазен од полициско возило, јави денеска „Гардијан“.
Во протестите во Макасар, во источниот дел на Индонезија, беа запалени зградите на покраинскиот и локалниот градски совет, како и возила врз кои демонстрантите фрлале камења и молотови коктели.
Секретарот на градскиот совет, Рахмат Мапатоба, рече дека три лица загинале во пожарот што го предизвикале демонстрантите, бидејќи „биле заробени во запалената зграда“.
© Vecer.mk, правата за текстот се на редакцијата
