Шефот на полицијата во Џакарта, Сусатја Пурнома Кондра, изјави дека пожарот во седумкатната зграда во индонезискиот главен град избувнал околу пладне по локално време, додека некои работници ручале, објави Ројтерс.
Полицијата верува дека пожарот започнал откако експлодирала батерија на првиот кат од зградата, во која се наоѓала компанија за беспилотни летала, пред да се прошири на повисоките катови.
Сусатја рече дека повеќето од загинатите биле жени, од кои една била бремена, и дека веројатно починале од вдишување чад, а не од изгореници.
Дваесет и осум противпожарни возила и околу 100 лица биле вклучени во гаснење на пожарот, а вработените во зградата биле спасени со помош на воздушни скали.
Сусатјо рече дека пристапот до шестиот кат, откако пожарот бил изгаснат, бил „особено тежок“. Тој рече дека полицијата „сè уште собира информации“, но засега „се фокусира на идентификување на жртвите што се пронајдени“. Компанијата за која се сомнева дека е местото на пожарот е индонезиската подружница на јапонската компанија „Тера Дроун Корпорејшн“, која обезбедува услуги со дронови за индустриски клиенти, од воздушно снимање и мапирање до инспекција и земјоделство.
© Vecer.mk, правата за текстот се на редакцијата
