Главниот град на Кина, Пекинг, утрово осамна покриен со песок со многу опасни честички донесени од пустинска бура од Монголија и северозападна Кина. Властите на Пекинг потврдија дека песочната бура донела големо количество опасни честички познати како ПМ10, кои продираат во органите за дишење, и ПМ2,5 честички, кои можат да влезат и во крвотокот, објави Ројтерс.

Видливоста во Пекинг е намалена, врвовите на некои облакодери не се видливи поради облаците од песок, а пешаците ги покриваат очите обидувајќи се да се пробијат низ песокот и прашината.

Кинеската метеоролошка служба во петокот издаде жолт метеоролошки аларм, предупредувајќи на доаѓањето на песочната бура од Монголија.