Бродот наводно бил управуван „од назначена терористичка организација“ и носел наркотици по позната рута за шверц.
„Четири машки наркотерористи на бродот беа убиени“, соопшти SOUTHCOM на X.
Американските сили во текот на изминатите неколку месеци извршија слични напади врз бродови наводно полни со дрога во Карибите и Пацификот, честопати без јавно да презентираат докази за да ги оправдаат нападите, потсетува германската агенција.
Медиумските извештаи покажуваат дека досега во вакви операции се убиени речиси 90 лица.
Американската администрација ги опиша жртвите како шверцери на дрога и „терористи“.
Вонсудските убиства предизвикаа широки критики. Експертите за човекови права на Обединетите нации велат дека дејствијата го кршат меѓународното право, потсетува ДПА.
BE WARNED — IF YOU ARE TRANSPORTING DRUGS THAT CAN KILL AMERICANS, WE ARE HUNTING YOU! The illicit activities by these cartels have wrought DEVASTATING CONSEQUENCES ON AMERICAN COMMUNITIES FOR DECADES, killing millions of American Citizens. NO LONGER. pic.twitter.com/XHTDpWp6h7
— The White House (@WhiteHouse) September 15, 2025
Шефот на Пентагон, Пит Хегсет, неодамна изјави дека се планираат дополнителни напади.
„Тукушто почнавме да напаѓаме нарко-бродови и да ги ставаме нарко-терористите на дното на океанот“, рече тој за време на неодамнешниот состанок на кабинетот.
© Vecer.mk, правата за текстот се на редакцијата
