Непознати крадци украле 300 килограми аспарагус од поле во германската сојузна држава Хесен. Полицијата соопшти дека станува збор за професионалци.

Не само што правилно го ископале аспарагусот, туку ги затвориле дупките од кои растат откако завршиле со работата.

Кражбата, откриена во понеделникот, најверојатно е извршена во петокот вечерта, а истражителите ја процениле штетата на 3.000 евра.

Ограбениот терен се наоѓа во предградие на Мајнц.

Аспарагусот е познат по тоа што е многу здрав зеленчук, но изискува многу за одгледување, а во исто време е и скап.

makfax.com.mk