Гувернерот на Орјол, Андреј Кличко, рано утринава изјави дека „масовниот напад“ врз инфраструктурата го предизвикал пожарот. Гувернерот на Краснодарската област Владимир Кондратиев изјави дека противвоздушната одбрана уништила украински беспилотни летала во неколку области на регионот јужно и источно од Украина. Еден дрон искршил стакла на куќи во селото, но нема повредени.
UAV hitting a Russian oil depot in Orel at night
— Roumi Ganev (@RoumiGG) December 14, 2024
The facility is 170 km from the border with Ukraine. The main type of product is gasoline and diesel for the Russian army.
"from telegram channel" pic.twitter.com/bLNWQOgO2k
ПВО уништила седум беспилотни летала над областа Брјанск на северната граница на Украина, изјави гувернерот Александар Богомаз. Во рускиот регион Белгород, гувернерот Вјачеслав Гладков изјави дека украинските напади погодиле две села, при што едно лице е повредено и запалена куќа.
🚨 Russia Under Attack!
— WW3 NEWS (@WW3XNEWS) December 14, 2024
The moment of the Ukrainian Drones attack on the oil depot in #Orel (#Russia)!
Locals claim to have heard several explosions.#news #BreakingNews #BREAKING #warnews #NewsUpdate #Ukraine pic.twitter.com/cwsTU7lXGK
Украинската противвоздушна одбрана собори 58 од вкупно 132 беспилотни летала за време на ноќен напад на пет руски региони, соопшти украинското воздухопловство.
Се додава дека 72 руски беспилотни летала се „изгубени“ поради употребата на системи за електронско војување. Засега нема извештаи за поголема материјална штета.
Украинскиот напад уследи по масовниот воздушен напад на Русија врз украинските енергетски постројки претходната ноќ. Украинскиот претседател Володимир Зеленски изјави дека Русија употребила 93 проектили и повеќе од 200 беспилотни летала во вчерашниот напад. Тој рече дека украинските сили успеале да соборат 81 проектил, вклучително и 11 успешно неутрализирани со авиони Ф-16.
Шест електрани биле оштетени во западниот регион Лавов, кој граничи со Полска. Извор од индустријата изјави за Ројтерс дека нападите биле насочени кон енергетските трансформатори и дека имало повеќе удари врз гасната инфраструктура отколку во претходните напади.
Зеленски повика на „масовна реакција“ од светот на овие напади. „Ова е планот на Путин за мир - да уништи сè. Ова е начинот на кој тој сака да преговара - тероризирајќи милиони луѓе“, рече Зеленски. „Потребна е силна реакција од светот: масовен удар - масовна реакција. Реагирајќи на нападите, украинскиот министер за надворешни работи Андриј Сибига повика на „итна испорака на 20 системи за воздушна одбрана Nasams, Hawk или Iris-T“.
Москва го опиша својот напад како одмазда за употребата на американските ракети ATACMS во нападот на рускиот воен аеродром претходно оваа недела. Руското Министерство за одбрана соопшти дека во нападот користеле прецизно оружје со долг дострел и беспилотни летала од воздух и море и биле насочени кон „критичните објекти на енергетската и гасната инфраструктура на Украина кои го поддржуваат воено-индустрискиот комплекс“. Русија тврди дека не е насочена кон цивилна инфраструктура, туку смета дека електричната мрежа е воена цел.
© Vecer.mk, правата за текстот се на редакцијата
