Бразилската полиција денеска уапси пет лица осомничени за вмешаност во обид за државен удар, во кој планирале да ги убијат тогаш новоизбраниот претседател Луис Ињасио Лула да Силва и неговиот потпретседател Џералдо Алкмин, пред да стапат на должност.
„Идентификуван е деталниот оперативен план под име ‘Жолто-зелен бодеж’, кој требаше да се изврши на 15 декември 2022 година, со цел убиство на избраните кандидати за претседател и потпретседател,“ соопшти полицијата.
Федерални полициски службеници денеска извршија пет налози за апсење, како и три за претрес и заплена, и уште 15 превентивни мерки.
© Vecer.mk, правата за текстот се на редакцијата
