Девојчето, кое живеело во западните предградија на Сиднеј, починало додека пливало во базенот во нивната вила во одморалиштето Семинјак, објави News.com.au.
Телото на девојчето во базенот го пронашол таткото на Џана, кој заедно со уште еден Австралиец ѝ дал вештачко дишење на својата ќерка пред да биде пренесена во болница.
Тригодишното дете имало часови по пливање, но сепак било неискусен пливач. Семејството вели дека малото девојче се искрало и влегло во базенот додека мислеле дека дворот е заклучен. Сега сакаат да апелираат до другите родители никогаш да не ги оставаат нивните „деца подалеку од очите“.
Во Австралија, низ целата земја има строги закони за оградата на базените за да се спречи давење на деца, но на Бали такви мерки не постојат.
Инаку, ова е второ давење на австралиско дете на Бали во последните три месеци.
На 19 октомври, 14-месечниот Кајден Џејмс се удави во базенот на друга вила, на само неколку километри северно од Семинјак во Керобокан.
Пријатели и роднини изјавија за австралиските медиуми дека „семејството продолжува да се справува со трагичната загуба на нивниот сакан ангел“, со планови да ја врати дома за погребот.
„Насмевката на Џана имаше моќ да ја осветли секоја просторија, а нејзината љубов кон родителите, семејството, пријателите и нејзиниот папагал (Коко) беше безгранична“, велат тие.
„Наша скапоцена Џана, ќе бидеш засекогаш сакана и засекогаш ќе останеш во нашите срца“, додаваат тие.
© Vecer.mk, правата за текстот се на редакцијата
