„Издадена е потерница за негов претрес и апсење“, рече судијата Нелсон Рокабадо, пренесе Гардијан.
Обвинителите поднесоа обвинение против Моралес во средината на декември, на што тој одговори тврдејќи дека тоа е стратегија за блокирање на неговата претседателска кандидатура, наведувајќи дека тој е „жртва на брутална судска војна“ организирана од Луис Арсе, актуелниот претседател на Боливија.
Моралес беше претседател на Боливија од 2006 до 2019 година и е првиот претседател на земјата што ги претставуваше домородните народи.
Juez de Bolivia ordena aprehensión de Evo Morales por presunta trata de menor.
— Portafolio (@Portafolioco) January 17, 2025
La medida cautelar fue anunciada a través del canal de televisión estatal.
Detalles⬇️https://t.co/vM3B8uAogd
За време на мандатот на Моралес, Боливија доживеа период на економски напредок и намалување на сиромаштијата. Во 2019 година се кандидираше за трет последователен мандат, што е спротивно на Уставот, а тоа предизвика масовни протести.
Под притисок на војската, Моралес поднесе оставка и побегна од земјата. Иако Врховниот суд на Боливија пресуди дека Моралес не може да се кандидира на изборите во август 2025 година, Моралес инсистира дека тој ќе се кандидира.
© Vecer.mk, правата за текстот се на редакцијата
