Трамп замина за Кина со авион полн со милијардери и директори (ФОТО)

Портпаролката на Белата куќа потврди дека Маск се качил на претседателскиот авион „Ер Форс Уан“, кој полетал за Пекинг, пишува „Ројтерс“.

Најбогатиот човек во светот, кој моментално е во судска постапка со шефот на „ОпенАИ“ во Калифорнија, е дел од групата директори поканети да му се придружат на Трамп.

Team CHYYYYYNA 🇨🇳🇺🇸 pic.twitter.com/UxGprTTWMV

— Lara Trump (@LaraLeaTrump) May 12, 2026

На списокот на патници се и Тим Кук, кој официјално ќе се повлече од функцијата извршен директор на „Епл“ во септември, и Јенсен Хуанг, шеф на „Нвидија“, еден од најголемите светски добавувачи на чипови за вештачка интелигенција.

Hi from the Alaska refuel. Navida CEO Jensen Huang boarding Air Force One here to join President Trump on China trip. Elon Musk is also on the plane pic.twitter.com/KKp9TaJTS8

— Emily Goodin (@Emilylgoodin) May 13, 2026

Список на други директори во делегацијата

Во придружбата на Трамп се извршниот директор на „Боинг“, Роберт „Кели“ Ортберг, претседателот и извршен директор на „Блекрок“, Лари Финк, претседателот, извршен директор и коосновач на „Блекстоун“, Стивен Шварцман, претседателот и извршен директор на „Каргил“, Брајан Сајкс и претседателката и извршен директор на „Сити“, Џејн Фрејзер. Во делегацијата се и извршниот директор на „Кохерент“, Џим Андерсон, претседателот и извршен директор на „ЏЕ Аероспејс“, Х. Лоренс Калп, претседателот и извршен директор на „Голдман Сакс“, Дејвид Соломон, извршниот директор на „Илумина“, Џејкоб Тејсен, извршниот директор на „Мастеркард“, Мајкл Мибах, претседателката и потпретседателка на „Мета“, Дина Пауел Мекормик, претседателот и извршен директор на „Микрон“, Санџај Мехротра, претседателот и извршен директор на „Квалком“, Кристијано Амон и извршниот директор на „Виза“, Рајан Мекинерни.

Пред да замине за Пекинг, Трамп разговараше со новинарите.