„Многу, многу добри разговори, во врска со Русија и Украина. Нешто може да се случи“, им рече Трамп на новинарите.
Медиумите вчера објавија повикувајќи се на извори, дека американските и украинските преговарачи разговарале за целта Русија и Украина да постигнат мировен договор до март, иако, според извори запознаени со разговорите, веројатно е дека овој рок ќе биде пропуштен поради несогласувања околу клучното прашање за територијата.
Според истите извори, Соединетите Американски Држави и Украина разговарале и за можноста за одржување референдум и избори во мај.
Специјалниот претставник на Трамп, Стив Виткоф, во четвртокот изјави дека делегациите од САД, Украина и Русија постигнале договор за размена на 314 воени заробеници.
© Vecer.mk, правата за текстот се на редакцијата
