Новоизбраниот претседател Доналд Трамп потпиша, по долго одложување, Меморандум за разбирање со Белата куќа, што ќе им овозможи на кандидатите за нови позиции да се сретнат со колегите во одделите и агенциите, пред јануарската транзиција на власта.
Сузи Вајлс, која ќе биде шефица на кабинетот на Трамп, нагласи во соопштение дека транзицискиот тим потпишал меморандум со „Белата куќа на претседателот Џо Бајден“.
„Тоа назначување им овозможува на нашите кандидати од Кабинетот да започнат со критични подготовки, вклучително и распоредување тимови за воведување во секој оддел и агенција и да завршат уредна транзиција на владата“, наведе Вајлс.
Транзицискиот штаб на Трамп рече дека нивните тимови „брзо ќе се интегрираат“ директно во федералните агенции и одделенија со пристап до документи.
Во изјавата на Вајлс не е наведено дали тимот за транзиција потпишал сличен документ со Министерството за правда за да ги заврши проверките на позадината на новите функционери, ниту пак посочи дали тимот на Трамп ќе објави етички договор за решавање на конфликтот на интереси.
Потпишувањето на транзицискиот меморандум со Белата куќа доаѓа три недели по победата на Трамп на 5 ноември.
За споредба, Џозеф Бајден и неговиот тим потпишаа меморандум за разбирање за да се олесни транзицијата на власта на почетокот на септември 2020 година, пред да се одржат изборите истата година.
© Vecer.mk, правата за текстот се на редакцијата
